Një kirurg në kryeqytetin indian, Delhi, tha se kishte zbuluar 12 shufra ari në stomakun e një biznesmeni.
Sipas BBC, 63- vjeçari shkoi në spital, duke u ankuar për vështirësi në urinim dhe të vjella.
Ai u tha mjekëve se kishte gëlltitur një kapak shishe gjatë sherrit me gruan.
Por kur mjekët e operuan, zbuluan shufrat e arit që peshonin rreth 400 gram.
Autoritetet e kanë konfiskuar arin dhe e kanë marrë në pyetje biznesmenin.
Mjeku që e operoi, tha se nuk kishte parë kurrë diçka të tillë.
India është konsumatori më i madh i arit.
Së fundmi, vendi ka njohur një rritje të kontrabandës së arit pas rritjes së taksave për të penguar importin e metalit të çmuar.
Vitin e shkuar qeveria i rriti taksat për importin e arit deri në tre herë. Kështu, importi i arit, që kishte arritur kulmin në maj me 162 mijë kilogramë të importuar, zbriti në 19.300 kilogramë në nëntor.
