Depilimi me dyll në zonën e bikini mund të themi se është shndërruar në një rutinë të kujdesit të vetes nga shumë vajza, e kjo nga ofertat që njxerrin çdo ditë parukeritë e qendrat estetike!
Depilim bikini me dyll, depilim bikini me lazer, model Brazilian (ora depilimi total i zonës së organit gjenital) e sa e sa shërbime të tjera ofrohen, shërbime të përhapura së fundmi kaq në masë ! Ndonëse kjo gjë thuhet të jetë në shërbim të higjienës vetjake, vetëm nder që nuk i bëjmë vetes duke depiluar zonën gjenitale ! Depilimi i zonës intime nuk rekomandohet nga asnjë gjinekolog, e megjithatë femrat vazhdojnë t’i heqin qimet pubike.
Një studim i vitit 2016 doli në përfundimin se sa më shumë qime aty poshtë, aq më mirë, pasi depilimi i pjesëve intime lidhej me rrezikun e sëmundjeve seksualisht të transmetueshme, të tilla si herpes, HPV, gonorrea dhe klamidia. Qimet pubike janë për të mbrojtur lëkurën rreth zonës intime, pasi është shumë e ndjeshme dhe eleminimi i tyre do ta bënte këtë zonë të ndjeshme të trupit më të prirur ndaj problemeve të sipërpermendura e të tjerave. Janë qimet ato që na mbrojnë nga acarimi ose infeksioni kur kjo zonë është në kontakt me materialet e papërshtatshme, mbathje të djersitura etj. Mënyra më e mirë e depilimit sipas gjinekologëve nuk është ajo me dyll apo lazer, por shkurtimi.