Mos lejo të të udhëheq instinkti! - Bota Sot
Mos lejo të të udhëheq instinkti!

Life style

E shtunë, 18 gusht 2018

Mos lejo të të udhëheq instinkti!

Më: 9 gusht 2018 Në ora: 09:41
Ilustrim

Para se të bëheni miq me dikë tjetër, ju duhet të jeni miq me veten tuaj. (Eleonor Roosevelt)

Dashurinë nuk mund ta imponosh, por as me zor nuk mund ta marrësh prej dikujt, dhe këtu qëndron fatkeqësia e gjithë botës. Çdo person kërkon dashuri, por në shumicën e rasteve shtiret sikurse do dhe dashuron, por ti nuk mund të duash nëse nuk di çfarë është vetëdija, nuk di të kujdesesh për veten.

Ti nuk e ke zbuluar aromën e jetës, ti nuk i ke aktive shqisat tuaja. Brenda teje mungon kujdesi, mungon interesimi, ti nuk di ta ndash aromën e jetës, aromën e bukur të dashurisë.

Përjeto përvojën e jetës tënde, që ta zbulosh veten tënde, kush je t’i. Mos lejo instinktin të të udhëheq.

Ti nuk mund të duash nëse nuk je i interesuar, je i paditur, ke mungesë të informatës, të interesimit, përparësi nuk i jep dashurisë, vendi në të cilin jeton është i varfër, ti kërkon të bëhesh i pasur, harron veten, vazhdimisht je në mbrojtje të rrezikut.

Në këtë errësirë nuk ka asnjë mundësi që të ngrihesh në lartësinë e duhur, nuk ka mundësi ta zbulosh vetveten, nuk ka mundësi që të shumëzohet, të rritet dashuria.

Ti duhet të kesh një punë të mirë, të jesh i mbushur me disponim, i mbushur me lumturi. Interesimi yt të fillojë të shpërndajë, atëherë ajo të jep energji dhe dashuri, atëherë dashuria do shumëzohet, do të ngjitet në lartësinë e duhur. Por, meqenëse ti je qenie njerëzore dhe nuk mund të jesh i përsosur, mungojnë shumë gjëra.

Ti nuk e njeh veten, vetë je fajtor, mundohesh t’i ikësh realitetit. Meqenëse e ke zhvendosur, nuk e ke pasur guximin të ballafaqohesh me realitetin, atëherë e humb respektin ndaj vetes. Atëherë ti që ke humbur respektin ndaj vetes, ke humbur dinjitetin tënd njerëzor.

Ti nuk je krenar, krenaria jote është zbehur, ti jeton jetën pa shijuar të vërtetën, ndaj ti kërkon ndihmë në drogë, alkool, bixhoz, kishë-xhami, me pretekst se fajtor. Është dikush tjetër.

Është e vërtetë se njeriu nuk mund të jetë i përkryer, por ka gjëra që njeriu mund t’i përjetojë, të cilat janë jashtë kufijve të konceptit të zakonshëm të njeriut. Sa kohë që njeriu nuk provon, nuk interesohet, ai nuk mund të arrije të ngrihet në lartësinë e duhur.

Të duash/dashurosh është diçka e veçantë, është e përjetshme. Kjo e bën njeriun të veçantë, por shumë pak njerëz kanë arritur ta zbulojnë vetveten. Ata janë të zgjuar më shumë se të tjerët, ata rrezatojnë, ata janë ngjitur në majat më të larta të vetëdijes njerëzore.

Nëse do të duash, duhet të jesh shumë i kujdesshëm, duhet të interesohesh, lulen duhet ta ledhatosh me sy. Lules jepi ushqim, ujite atë, nëse do të kujdesesh për të gjitha, atëherë, kur të vijë koha, do të shfaqet edhe trëndafili me aromën e vet. Trëndafili hapet kur vjen koha, nuk bën ta detyrosh, nuk bën të insistosh të hapet para kohe.

Thamë se martesa është e shenjtë, është përgjithësi, është obligim, mbrohet me ligje premtohet, betohet para ligjit, para Zotit deri në vdekje.

Kaluan vite që ti nuk e shikove gruan/burrin tënd në sy. Ndoshta kanë kaluar vite, ti nuk e vëren, ti ke pranuar tashmë si detyrim. Ty të interesojnë më shumë njerëzit e panjohur, atyre u jep komplimente. Të panjohurit ta shtojnë interesimin, po e vërtetë është. Ju vazhdoni të hulumtoni, por për të hulumtuar duhet ta shtoni interesimin, kujdesin shqisat tuaja duhet t’i aktivizoni.

Çdo ditë duhet të shtohet interesimi, duke gjetur mënyra të reja të freskëta për ta dashur njëri-tjetrin, çdo njeri është minierë e fshehtë e pafund ti/ajo duhet të zbuloni sekretet e njëri-tjetrit.

Sot mund të lexoni Shfletoni kopertinat
Sondazh
test