Rrezet e diellit janë një burim shumë i mirë i vitaminës D dhe frekuentimi i plazhit rrit thithjen e tij, nga ana tjetër edhe rëra ka efektet e saj pozitive.
Mjekët japin argumentet se përse frekuentimi i plazhit është domosdoshmëri.
Sipas mjekëve, nga rëra kemi përfitime të shumta, siç është rasti me rërën e lagur e cila largon lëkurën e vdekur nga këmbët tuaja.
Studimet e fundit kanë treguar se mineralet e detit ndihmojnë në reduktimin e simptomave tek ata me artrit reumatik.
Rrezet e diellit zbusin depresionin – sipas studimeve, ne jemi më të lumtur në stinët e ngrohta dhe më depresivë në stinët pa diell.
Uji i detit e ruan elasticitetin e lëkurës - Uji i detit është përplot me minerale që pengojnë plakjen e lëkurës andaj edhe ndihmon në ruajtjen e elasticitetit të lëkurës suaj.
Zvogëlon nivelet e stresit - Një shëtitje e thjeshtë në plazh ju ndihmon të ristartoni mendjen dhe trupin, ju ndihmon që të jeni në formë të mirë mentale dhe fizike.
