Si një i ri ambicioz me dëshirën për të pasur një karrierë sa më të suksesshme, ju mund të jeni përkushtuar për të mësuar sa më shumë që të mundeni në industrinë tuaj. Duke qenë i tillë ju mund të shndërroheni shpejt në emrat më të dalluar në fushën tuaj dhe ta shijoni më shumë punën tuaj.
Koha dhe puna e palodhur që keni shpenzuar në projektet tuaja janë shpaguar kohët e fundit – sapo jeni promovuar në një pozicion menaxherial. Por, ndonjëherë në këtë pozitë juve do të ju duhet të keni nën mbikëqyrje persona më të moshuar se ju. AkademiPune po liston disa gjëra që duhet t’i keni parasysh në këtë situatë.
Mos e merrni me stres – mosha nuk është gjë tjetër veçse një numër
Profesionistët e vërtetë pranojnë se një titull ose talent nuk lidhet me një numër dhe se respekti është një rrugë e dyanshme. Mosha nuk ka asnjë ndikim në cilësinë e punës që mund të prodhohet. Megjithatë, njerëzit mund të mos ndjehen mirë kur menaxhohen nga dikush më i ri se ata, veçanërisht nëse mendojnë se duhet të jenë në një pozitë më të lartë se sa janë ose më keq në pozitën që është ndarë për ju.
Pra, si veproni? Përdorni këto udhëzime për t’i menaxhuar këto situata potencialisht të ndërlikuara:
Njihuni me ta
Ky është një këshillë e vlefshme dhe e nevojshme pavarësisht moshës. Bëni një përpjekje të sinqertë për ta njohur më mirë secilin nga punonjësit tuaj (dhe veçanërisht nëse ata nuk janë të sigurt se një person i ri do t’i menaxhojë ata). Nëse së fundmi keni marr pozitën tuaj të re, këto takime të hershme janë një mundësi e shkëlqyer për të “intervistuar” joformalisht ekipin tuaj dhe për t’i njohur ata në një nivel më personal. Mos harroni t’u jepni atyre mundësinë që t’ju njohin gjithashtu – besimi është një rrugë e dyanshme.
Bëhuni vetvetja juaj autentike dhe mos u sforconi për tu dukur si një person i cili nuk jeni. Marrëdhëniet e vërteta të punës ndërtohen me kalimin e kohës dhe kërkojnë angazhim, por ato do të zhvillohen natyrshëm nëse lejohen.
Mësoni se çfarë i motivon dhe emocionon ata
Tani që i njihni pak më mirë punonjësit tuaj, mund të zbuloni se çfarë i bën ata vërtet të ndihen mirë. Nëse i njihni qëllimet e tyre profesionale, mund t’i ndihmoni për t’i pozicionuar më mirë për sukses dhe për t’i lehtësuar shqetësimet e tyre për të punuar për një shef më të ri.
Bëjini të qartë se jeni të interesuar t’i ndihmoni ata të gjejnë projekte që u pëlqejnë dhe të përballen me sfida të reja shpërblyese. Nëse një punonjës ndihet sikur jeni investuar personalisht në suksesin e tij, ai ka shumë më shumë gjasa të ndihet i lumtur në pozitën e tij – dhe shumë më pak i shqetësuar për të pyetur veten se cilat janë qëllimet tuaja ndaj tyre.
Vlerësoni dhe respektoni përvojën e tyre
Trajtojeni këtë anëtar të ekipit me respekt dhe bëjini të ditur se e vlerësoni ekspertizën dhe mençurinë e tyre. Mos i patronizoni, mos flisni me ta ose mos veproni në mënyrë nënçmuese – këto lloj veprimesh vetëm sa do t’ju lëndojnë. Nëse keni mundësinë të kërkoni komentet e tyre për një projekt, bëjeni këtë – kjo vetëm do të kapërcejë hendekun dhe do t’u tregojë atyre se ata janë një pjesë e rëndësishme e ekipit tuaj.
Në mënyrë të ngjashme, respektoni traditën
Një punonjës më i vjetër ka edhe avantazhin dhe ndonjëherë edhe disavantazhin për të pasur një histori të plotë të disa teknologjive, proceseve, etj. Megjithatë, përpara se të bëni ndonjë gjykim të menjëhershëm, ndani pak kohë për të dëgjuar punonjësin tuaj më me përvojë. Pyetini ata për komentet e tyre për procesin tuaj të ri të propozuar. Nëse ka aspekte të metodës aktuale që kanë kuptim të mirë të biznesit, konsideroni këshillat e tyre dhe merreni parasysh përvojën e tyre. Kjo do të ju ndihmojë!
Mos supozoni se punonjësit më të vjetër dinë GJITHÇKA për shkak të moshës/përvojës së tyre
Një histori më e gjatë e punës ndonjëherë ju bën të mendoj se një person ka një diapazon më të gjerë të njohurive dhe nuk ka asnjë gjë të cilën ata nuk dinë ta bëjnë. Ky supozim i gabuar mund të pengojë rritjen jo vetëm të punonjësve tuaj, por edhe rritjen tuaj si menaxher i ri.
Zhvillimi i karrierës (dhe mësimi gjatë gjithë jetës) duhet të jetë i panegociueshëm si një domosdoshmëri për çdo profesionist. Është detyra juaj të ushqeni dhe të ofroni trajnimin e nevojshëm për të përmbushur këtë kërkesë për punonjësit tuaj. Pyetini ata se çfarë duan të dinë, çfarë duhet të dinë dhe shpresojnë të dinë. Ju mund të habiteni nga përgjigjet e tyre.
Por mos supozoni se as ata nuk dinë
Mijëvjeçarët u rritën me teknologjinë dhe disa madje do të thoshin se jemi pothuajse të varur nga format e ndryshme të saj. Për punëtorët më të vjetër, teknologjia u bë pjesë e jetës së tyre pak më dhe mund të mos ketë një rol qendror në jetën e tyre të përditshme (ata mund të jenë më pak të prirur për të lëvizur nëpër Instagram pasi zgjohen në mëngjes). Megjithatë, kjo deklaratë nuk lidhet me të gjithë njerëzit e moshuar, ashtu si stereotipet për mijëvjeçarët janë shpesh të pabaza. Nëse po diskutoni një temë për të cilën nuk jeni të sigurt që punonjësi juaj ka njohuri, lërini të pyesin! Kini kujdes që të mos i ofendoni duke bërë supozime të përgjithshme dhe të padrejta për ta.
Ju e fituat promovimin tuaj sepse ishte i merituar dhe kishte të bënte gjithçka me aftësitë tuaja, mos e harroni këtë. Mos bëni që gjithçka të fundoset për shkak të sjelljeve të gabuara.
