Nxitja e intimitetit emocional është thelbësore në marrëdhënie.
Kur flasim për intimitetin fizik në një marrëdhënie romantike, zakonisht na vijnë në mendje gjëra të tilla si mbajtja për dore, përqafimi, puthja, etj. Megjithatë, nxitja e intimitetit emocional është po aq e rëndësishme, nëse jo më e rëndësishme, sesa intimiteti fizik në çdo marrëdhënie romantike.
Në fakt, është një nga gjërat kryesore që e dallon atë nga llojet e tjera të marrëdhënieve. Afërsia dhe lidhja mes dy njerëzve që ndihen të sigurt me njëri-tjetrin njihet si intimitet emocional. Por është shumë më komplekse sesa thjesht ‘afërsia’. Ajo përfshin idenë e dikujt tjetër që ju sheh, njeh dhe ju kupton. Poashtu përfshin zhvillimin e një marrëdhënieje të ngushtë dhe mirëkuptim.
“Nëse ndiheni të larguar nga partneri juaj, pyetjet e hapura janë një mënyrë e shkëlqyeshme për të rritur afërsinë tuaj. Bëni këto pyetje çdo javë për të kontrolluar se si po shkon marrëdhënia juaj,” thotë Amanda Twiggs, këshilltare për marrëdhënie, shkruan Hindustan times.
Twing ndau disa pyetje të rëndësishme për çiftet për të thelluar intimitetin emocional.
Për çka jeni krenare këtë javë?
Cila ishte pjesa më e vështirë e javës suaj?
Si mund t’ju kisha mbështetur më mirë këtë javë?
Cilat janë synimet tuaja për javën e ardhshme?
Çfarë mund të bëj për të mbështetur qëllimet tuaja?
Kur jeni ndjerë më i lidhur me mua këtë javë?
Cili është një veprim i dashur që do të donit nga unë në javën e ardshme?
(Shembuj: mbajtja e dorës, përqafimi, ndihma në punët e shtëpisë, mbështetja emocionale etj.)
Po sikur të të shqetësojë ndonjë gjë këtë javë?
Si mund t’ju mbështes më së miri kur ndiheni të mërzitur?
Çfarë do të dëshironit të bënit së bashku javën e ardhshme?
