Dje ju treguam se cila shenja nuk do ta kenë jetën të lehtë gjatë sezonit të Gaforres, ndaj normalisht, sot do ju tregojmë se cilat janë të llastuarat e kësaj periudhe:
Gaforrja
Gëzuar ditëlindjen, Gaforre! Është momenti që të kesh të gjitha dritat dhe vëmendjen tek ti. Këtë periudhë, do ta marrësh veten me të mira dhe njerëzit do të përqendrohen vetëm në personalitetin tënd. Ji vetvejtja! Ji sa më i/e hapur ndaj përvojave të reja, pasi projektet, lidhjet dhe punët që do të nisësh tani, do të jenë shumë të rëndësishme në të ardhmen.
Akrepi
Dielli po hedh të gjithë dritën e duhur tek ti Akrep. Më në fund, pas kaq shumë kohe do të ndihesh më mirë. Ky sezon të fton të zgjerosh horizontin, të lexosh, të shohësh dokumentarë, të takohesh me njerëz interesantë, apo të bësh një udhëtim fantastik. Në fund të sezonit, do ta kuptosh se sa shumë ke mësuar.
Peshqit
Dashuria do të jetë kryefjala e këtij sezoni. Gaforrja të motivon të jesh kreativ, i mbushur me vetëbesim dhe të gjesh mënyrën më të mirë për t’u shprehur. Dielli aktivizon romancën, intimitetin, seksin dhe madje, edhe aksionin. Çlirohu dhe shijo jetën. Meriton një verë të paharrueshme!
