Ndonëse kanë kaluar dhjetë vjet që kur jemi ndarë, nuk mund ta kaloj dot dashurinë time të parë. Unë mendoj për të gjatë gjithë kohës. Ne ishim bashkë në shkollë dhe tani e kuptoj se ai ishte “i vetmi”.
Ne të dy jemi 28 vjeç dhe kemi qenë të dashur nga mosha 15 deri në 18 vjeç. Ne u ndamë kur unë shkova në universitet dhe shpejt takova dikë tjetër.
Që atëherë, kam pasur disa lidhje, por askush nuk e bën zemrën të më dridhet si ai. Ne jemi ende në kontakt në rrjetet sociale dhe sa herë që ai pëlqen postimet e mia, ndihem e emocionuar. Dua t’i dërgoj mesazh për t’i thënë se e dua dhe nuk e kam harruar. Por mendoj se ndoshta unë jam thjesht e dashuruar me idenë e tij, jo me realitetin?
Përgjigja e Ekspertëve:
Asnjë marrëdhënie tjetër nuk përputhet me intensitetin e dashurisë së parë. Por rrallëherë zgjat. Njerëzit rriten dhe ndryshojnë. Nëse ai është beqar, ju mund t’i sugjeroni takim për të parë nëse të dy ju ndiheni njësoj. Por nëse ai është në një lidhje, do të ishte shumë më mirë të përqendroheni në kërkimin e dikujt tjetër i cili ju përshtatet juve. Është e rëndësishme të vazhdojmë përpara pavarësisht të gjithave.
