Shumë besojnë se tiparet e karakterit të dikujt mund të merren me mend nga vëzhgimi i kujdesshëm edhe para se të takoni një person.
Ata gjejnë konfirmim për këtë në kulturën e lashtë lindore. Pra, le të themi, forma e pëllëmbës tregon një person të qëndrueshëm dhe racional me një ndjenjë të fortë praktike.
Gishtat e shtrembër dukshëm, tregojnë njerëz me probleme të rëndësishme psikologjike. Nyjat e ngushta kanë njerëzit vitalë, plot energji pozitive në jetë. Kur bëhet fjalë për pamjen e gishtave, atëherë gjërat janë kështu:
Gishti i madh
Nëse gisht i madh i dorës, është i madh tregon një personalitet mbizotërues, i cili gjithmonë merr vendime pas një shqyrtimi të hollësishëm të të gjitha mundësive.
Nëse gishti i madh është veçanërisht i gjatë, ai tregon një tiran që vendos rregullat e tij të sjelljes. Këta janë njerëz që janë të interesuar në matematikë dhe shkenca natyrore.
Njerëzit që janë plot vetëbesim, depërtues dhe të aftë kanë një gisht të madh të shkurtër. Një gisht i madh të shkurtër dhe të trashë, e kanë njerëzit këmbëngulës, të besueshëm, besnikë, të kujdesshëm dhe shumë ambiciozë.
Gishti tregues
Tregon tipare që lidhen me ambicien. Liderët e lindur kanë një gisht tregues të gjatë, por nëse ky gisht është jashtëzakonisht i gjatë, do të thotë një person me natyrë tiranike.
Nëse gishti tregues ka të njëjtën gjatësi me gishtin e vogël, atëherë bëhet fjalë për një person të qëndrueshëm, me vetëbesim, i cili është një organizator i mirë i jetës së tij dhe të njerëzve të tij të dashur.
Nëse gishti tregues ka të njëjtën gjatësi me gishtin e mesit, atëherë personi është një diktator që kërkon bindje absolute nga mjedisi i tij. Nëse gishti tregues është i përkulur drejt gishtit të mesit, është një person koprrac që vlerëson dhe mbledh veçanërisht të mirat materiale.
Gishti i mesëm
Forma dhe dimensionet e tij tregojnë statusin shoqëror të një personi. Nëse ky gisht është i drejtë dhe i barabartë me gishtat e tjerë, është një person emocional, disi i vetmuar, i cili është i prirë për planifikim të detajuar të të gjitha lëvizjeve në jetë.
Dhe nëse gishti i mesit është i gjatë dhe i fortë, do të thotë njerëz seriozë, melankolikë që zakonisht kanë një jetë të vështirë. Një gisht i shkurtër i mesit është karakteristik për njerëzit intuitivë.
Gishti i unazës
Ai tregon emocionet tona - nëse ne mund të duam, nëse jemi krijues, nëse jemi të prirë për estetikë. Nëse ai gisht është i fortë, i gjatë dhe pa deformime - ky është një person që është i ekuilibruar emocionalisht, por gjithashtu di qartë se si të arrijë sukses dhe famë.
Këta janë aktorë të lindur, gazetarë etj. Introvertët kanë gishtin e unazës shumë të gjatë. Njerëzit e turpshëm që kanë vështirësi të shprehin emocionet e tyre zakonisht kanë një gisht të shkurtër të unazës.
Gishti i vogël
Ky gisht mund të tregojë prirje drejt biznesit dhe tregtisë. Një gisht i vogël i gjatë dhe i lëmuar tregon një person shumë inteligjent, elokuent, të adaptueshëm dhe të suksesshëm në çdo biznes. Një gisht i shkurtër i vogël tregon një person jo të besueshëm. Dhe një gisht i vogël i përkulur është karakteristik për njerëzit dinakë, shumë të shkathët që mbrojnë mirë interesat e tyre.
