Janë femra tepër të vendosura në marrëdhëniet e tyre dhe nuk humbasin kohë për të gjetur personin perfekt. Duan thjesht dikë që t’i dojë për atë që janë. Ja cilave shenja të horoskopit u përkasin.
Luani
Femrat e kësaj shenje janë të njohura për mënyrën e tyre natyrale për të tërhequr vëmendje, duke treguar gjithmonë një forcë dhe ambicie të jashtëzakonshme. Luftojnë të kenë pozicionin e merituar në njëmarrëdhënie dhe me këtë sjellje sociale dhe të vendosur, nuk duan partnerë që t’i kufizojnë, por që t’i mbështesin në arritjen e synimeve të tyre. Femrat e shenjës së Luanit nuk duan dikë që të mahnitet me zgjuarsinë e tyre, por dikë që t’i mbështesë, t’i vlerësojë e të besojë në gjërat që ato synojnë të arrijnë.
Shigjetari
Femrat e kësaj shenje e dinë saktësisht se çfarë duan dhe kur kanë dyshime, fillojnë të heqin dorë nga gjithçka që nuk e duan. Janë femra të pavarura e të vendosura, që e urrejnë rutinën dhe bëjnë atë që duan. Nëse dëshira e një mashkulli është që ta kufizojë, apo ta mbajë të nënshtruar një femër të shenjës sëShigjetarit, nuk ka për ta arritur kurrsesi një gjë të tillë. Ato bëjnë gjithçka që duan, janë inteligjente, sociale dhe mbajnë pranë vetes vetëm personat nga të cilët mund të mësojnë diçka dhe që i duan për ato që janë.
Ujori
Janë femra racionale, nuk i vendosin asnjëherë ndjenjat dhe emocionet e tyre të parat. Kjo gjë sigurisht nuk u pëlqen shumë meshkujve, të cilët mund të jenë rritur me idenë e femrave të dobëta e pasive. Ato nuk duan kurrsesi të bëhen pjesë e marrëdhënieve konservative, retrograde dhe të palumtura. Kanë aftësi shumë të mira sociale, të cilat i ndihmojnë të jenë në kontakt me shumë kultura. Nuk mundohen t’i kënaqin të tjerët. Ato kërkojnë pranë dikë të thjeshtë që t’i dojë për atë që janë, dhe t’i dojë aq sa mendojnë se e meritojnë.
