Nëse mendoni mirë, të gjithë jemi mekanizma të përsosur. Ajo që na duhet është të mësojmë të kontrollojmë këtë mekanizëm në mënyrë që të fitojmë besim për udhëtimin e jetës. Shikoni rrugën përpara. Mbrapa duket deri në një pikë dhe përpara njëlloj. Por gjithçka rreth jush është e qartë dhe ju mund ta shijoni atë. Kështu që ju duhet të lini të kaluarën dhe ditët e saj të vdekura. Largohuni nga e nesërmja e pasigurt. Jetoni për sot. E ardhmja është sot.
Do pyesni veten “a nuk po bëjmë plane dhe po përgatitemi për të ardhmen?” Sigurisht që bëjmë plane, por mënyra më e mirë për t’u përgatitur është të përqendrojmë përpjekjet tona në punën e sotme për ta bërë atë sa më të mirë. Pa dyshim që duhet të mendoni me kujdes për të nesërmen dhe ta planifikoni e përgatitni atë, por pa ankth.
Çdo ditë është një jetë e re për njeriun e mençur. Ne ëndërrojmë për një kopsht me lule të mrekullueshme diku larg dhe nuk i shohim trëndafilat që lulëzojnë jashtë dritares sonë sot. Jeta ka vlerë kur e jeton çdo ditë dhe orë.
Nuk mund të kalosh dy herë të njëjtin lumë. Lumi ndryshon. Jo çdo sekondë është e njëjtë. Jeta është një ndryshim i pandërprerë dhe e vetmja gjë e sigurt është sot. Pra, pse të shkatërrojmë bukurinë e së sotmes duke u përpjekur të zgjidhim problemet e së ardhmes gjithnjë në ndryshim? Është e pasigurt dhe e paparashikueshme?
