Ne të gjithë duam të ndihemi të lumtur, por shpesh, jemi armiqtë tanë më të këqij. Ka disa zakone që janë hajdutët e lumturisë suaj.
Nëse dëshironi të ndiheni më të lumtur dhe të kultivoni një jetë të gëzuar, duhet të hiqni dorë nga këto 10 zakone që absolutisht jua vrasin lumturinë.
1. Kritikimi i njerëzve të tjerë.
Mungesa e vetëvlerësimit është e dukshme kur dikush kritikon vazhdimisht të tjerët. Të qenit gjithmonë kritikë është një mënyrë negative e të qenurit dhe ndikon në lumturinë tuaj, si dhe lumturinë e atyre që ju rrethojnë.
Njerëzit që kritikojnë të tjerët dëshmojnë vetëgjyqësinë e tyre. Për shembull, nëse dikush kritikon një tjetër se është i paaftë, kjo është thjesht dëshmi e frikës së vetë atij personi për t’u perceptuar si i paaftë.
Nëse dëshironi të jeni të lumtur, pranoni të metat e të tjerëve dhe lërini të jenë. Ashtu si ju, edhe ata po punojnë për t’u bërë më të mirë. Ndaloni së kritikuari të tjerët dhe gjeni lumturi më të madhe.
2. Mos shprehja e mirënjohjes.
Mirënjohja thuhet se është një nga rrugët e shkurtra më të shpejta drejt lumturisë dhe e kundërta është e vërtetë për fshehjen e mirënjohjes. Zakoni për të qenë mosmirënjohës, bën që mjerimi të grumbullohet brenda nesh. Edhe në ditët tuaja më të errëta, ka ende gjëra për të cilat mund të jeni mirënjohës. Nëse praktikimi i mirënjohjes është i ri për ju, filloni me gjërat e vogla. Nëse keni vetëm një dollar në xhep, jini mirënjohës që keni një dollar. Kështu do të shumëfishohet mirësia brenda jetës suaj. Përqendrohuni në atë që keni, në vend të asaj që nuk keni.
3. Mpirja
Çështja nuk është nëse keni një varësi, por nëse jeni duke përdorur drogë, alkool, ushqim ose ndonjë substancë tjetër ose nëse kaloni kohë për t’u ndjerë mirë ose për të shmangur përfshirjen e plotë në jetë. Shumë njerëz që nuk kanë varësi sërish përdorin substanca për t’u ndjerë mirë.
Nëse e gjeni veten duke kërkuar shpesh lumturinë në një gotë verë, një kaush me akullore ose karbohidratet tuaja të preferuara, është koha të rivlerësoni nëse kjo ju ofron vërtet lumturi apo nëse në të vërtetë po ju grabit lumturinë. Shumë njerëz që nuk janë të varur e kanë lënë alkoolin sepse mbështeten tek ai për të kaluar një kohë të mirë. Nëse mendoni se mund të jeni ju, provoni ta lini dhe shikoni se si ndiheni. Ka shumë burime për t’ju ndihmuar me këtë nëse zbuloni se është diçka që duhet ta eliminoni nga jeta juaj.
4. Përpjekja për të kontrolluar gjithçka
Nuk ka njeri në tokë që ka aftësinë ose fuqinë për të kontrolluar gjithçka. Ky zakon është i vështirë për shumë njerëz. Ne duam të kemi kontroll, sepse mendojmë se do të na japë një ndjenjë sigurie. Problemi është se për shkak se ka shumë gjëra jashtë kontrollit tonë, ne përfundojmë të ndihemi të frustruar dhe të gjorë, në vend që të jemi të sigurt. Lëreni atë që nuk mund të kontrolloni dhe gjeni më shumë lumturi.
Shënim: Ekziston një gjë që mund të kontrolloni dhe kjo është qëndrimi juaj dhe reagimi juaj ndaj situatave gjatë ditës. Bëni një përpjekje për t’u përgjigjur në mënyra që janë pozitive.
5. Fajësimi i të tjerëve
Si njerëz, ne jemi të prirur për të fajësuar. Studiuesja Brene Brown e përshkruan fajin si asgjë më shumë se shkarkimin e dhimbjes. Pra, kur na ndodh diçka e dhimbshme, shumica prej nesh kanë një përgjigje të lindur për të gjetur diçka ose dikë për të fajësuar për dhimbjen që ndjejmë. Duke fajësuar, ne jemi në gjendje të zvogëlojmë dhimbjen tonë. Sado e çuditshme të duket, fajësimi është disi efektiv. Problemi është se nuk zgjat shumë dhe zakonisht është i gabuar.
Për të ndihmuar veten të mos fajësoni, përpiquni të kapni veten kur fajësoni të tjerët për situatat në jetën tuaj. Hidhni një sy përtej fajit dhe kërkoni të zbuloni çështjen e vërtetë. Merrni përgjegjësinë për veprimet tuaja dhe do të gjeni lumturi më të madhe në rrugën tuaj.
6. Të mos jesh i pranishëm
Ekziston vetëm një vend ku mund të jeni në çdo moment dhe ai është e tashmja. Nëse pjesa më e madhe e kohës tuaj kalon duke menduar për të kaluarën, duke vajtuar për gjëra që nuk mund t’i ndryshoni, nuk do të jeni në gjendje të ndjeni gjithë lumturinë që mundeni. E kaluara ka mbaruar dhe ndërsa është mirë të mësosh nga e kaluara, ne nuk duhet të jetojmë atje brenda mendjes sonë. Po kështu, e ardhmja është e mrekullueshme për të planifikuar, por nëse jeni duke menduar vazhdimisht për të ardhmen, ju humbisni atë që është përpara jush – tani.
7. Të folurit keq për veten
Shpesh, ne jemi kritiku ynë më i keq. Ne e njohim veten si askush tjetër. Ne i dimë të metat tona, gabimet tona dhe justifikimet tona, por të flasim keq për veten është një nga mënyrat më të shpejta për t’u ndjerë të pakënaqur. Bëhuni të vetëdijshëm për ato që mendoni. Çfarë bisede të heshtur po i thoni vetes. Zëvendësoni bisedimet negative në mendjen tuaj. Dijeni se po bëni më të mirën që mundeni dhe jepini vetes merita për këtë. Kur e gjeni veten duke folur keq për veten tuaj, ndaloni dhe zëvendësojeni atë me diçka të mirë. Mund të ndihet e sikletshme në fillim, por me kalimin e kohës, ky zakon do t’ju çojë larg në udhëtimin tuaj drejt lumturisë.
8. Të mos qënit origjinalë
Ju keni lindur unikë. Nuk ka njeri si ju me dhuntitë e veçanta që duhet t’i ofroni botës tonë. Nëse doni të jeni të lumtur, atëherë duhet të ndaloni së provuari të jeni dikush që nuk jeni dhe në vend të kësaj të përqafoni atë që jeni. Të jesh joautentik është e lodhshme dhe bën të ndihemi keq. Kur ne veprojmë në mënyra që nuk përputhen me atë që jemi në të vërtetë, ka një çmim që duhet paguar dhe ai paguhet nga lumturia jonë.
9. Zvarritja
Kur i shtyjmë gjërat që duhet të bëjmë, nuk i eliminojmë ato, por zakonisht krijojmë një punë më të madhe dhe ndoshta edhe probleme rrugës. Kryeni detyrat tuaja në fillim dhe ndaloni zvarritjen. Vlerësoni atë që duhet të bëni çdo ditë/javë/muaj dhe thjesht bëjeni atë. Kryeni gjërat që duhen bërë, në mënyrë që të shmangni efektin e ortekut që ndodh duke e zvarritur. Ndonjëherë gjërat më të mërzitshme ose të pakëndshme janë edhe ato që duhen bërë për t’u ndjerë të lumtur.
10. Nuk bëni përparim drejt qëllimeve tuaja
Gjërat e mëdha nuk ndodhin domosdoshmërisht brenda natës. Nëse keni një ëndërr ose një qëllim, mënyra më e mirë për ta arritur atë është duke ndërmarrë hapa të vegjël çdo ditë për të punuar drejt saj. Koha do të kalojë nëse doni ju apo jo. Kur shikoni prapa gjatë gjithë kohës që ka kaluar ku nuk keni punuar për ëndrrën tuaj, kjo mund t’ju grabisë lumturinë. Merreni seriozisht lumturinë tuaj duke punuar rregullisht drejt ëndrrave dhe qëllimeve tuaja.
