Ballafaqimi me organizimin e zonave të ndryshme të shtëpisë është, pa dyshim, një nga aktivitetet më të mërzitshme në shtëpi. Për shumicën, kjo është si një punë e përditshme, dhe si mund të mos jetë kjo kur duhet të vendosni se cilat gjëra duhet të hiqni qafe në mënyrë që të kurseni hapësirë dhe të organizoni siç duhet sendet tuaja të nevojshme dhe më të dobishme.
Një detyrë që bëhet edhe më e vështirë kur koha është mjaft e shkurtër. Sidoqoftë, ekziston një mënyrë edhe atëherë të merreni me organizimin e shtëpisë tuaj për sa kohë që ndiqni këshillat që vijojnë.
Sekreti i suksesit, sigurisht, qëndron në planifikimin dhe organizimin e duhur, prandaj, siç zbulohet nga eksperti i planifikimit të shtëpisë dhe autori i librit “Mind Over Clutter” në realsimple.com, Nicola Lewis, është mirë të fillosh me hapat, duke plotësuar një listë të gjërave për të bërë paraprakisht, duke siguruar veten se ambiciet tuaja janë të arritshme dhe jo të tepruara.
Për shembull, nëse hapësira që dëshironi të organizoni është dhoma juaj e gjumit dhe koha që keni është vetëm një orë, atëherë ka kuptim të mos “shkarkoni” tërë dollapin, sepse nuk do të keni kohë të bëni asgjë. Në vend të kësaj, Lewis ju këshillon të zgjidhni një pjesë të gardërobës tuaj që mendoni se do të jeni në gjendje ta plotësoni në kohën që keni. Për shembull kujdesuni për dollapin tuaj. Detyra më e vogël dhe më e lehtë për një orë që keni në dispozicion.
Zbrazni disa sirtarë në shtrat dhe filloni procesin e klasifikimit të sendeve që dëshironi të mbani, sendeve që dëshironi të dhuroni dhe atyre që duhet t’i hidhni patjetër. Kontrolloni se çfarë ju pëlqen dhe çfarë ju përshtatet dhe më pas organizoni ato sende që do të mbani në përputhje me ngjyrën e tyre .
Për ta bërë procesin më të kënaqshëm, dëgjoni këngët ose radiostacionin tuaj të preferuar, ndizni një qiri aromatike ose çfarëdo tjetër që ju krijon gjendjen shpirtërore.
