Pak orë pas rekomandimit të KE për hapjen e negociatave, kryeministri Rama zgjodhi të falenderojë të gjithë qytetarët, përmes një videoje, me kolonën zanore të Himnit Kombëtar.
Kjo video mesa duket, nuk ka marrë pëlqimin e kompozitorit të njohur Gazmend Mullahi, i cili ka shkruar po në rrjetin social, se Himni Kombëtar është shpërfytyruar, ndërsa e cilëson si një kompozim amator.
“A doni të shihni se ç’pamje dhe çfarë shije ka skandali, se si mund të shpërfytyrohet Hymni Kombëtar Shqiptar?
I konsideruar si një nga hymnet më të bukur dhe më profesional në botë, dëgjojeni këtë kolonë zanore se çfarë u sugjeron një ministre Kulture shqiptarëve, kryekëput amatore.
A e meritojnë shqiptarët këtë?
Turp !!”, përfundon ai.
