Druhet se deri në 30 persona kanë vdekur në një hotel të njohur italian i cili u godit nga një ortek i madh i borës pas një tërmeti.
Orteku i ka mbuluar makinat, fermat e kafshëve si dhe pjesë të hotelit “Rigopiano” në Abruzzo, në lindje të Romës.
Ndërkohë, personat e bllokuar brenda hotelit nga orteku i borës kanë dërguar mesazhe duke kërkuar ndihmë: “Ndihmë, ndihmë po vdesim nga të ftohtit,” raporton Corriere Della Sera.
Ekipet emergjente janë duke tentuar që të arrijë te viktimat, por stuhia e borës është duke e pamundësuar kalimin afër hotelit.
Raportohet se telefonat e njerëzve që gjenden nën rrënojat e hotelit tashmë janë fikur për shkak të ftohtit dhe të afërmit nuk janë në gjendje t’i marrin ata në telefon.