Dy emigrantë kanë vdekur sot dhe 10 të tjerë janë plagosur, disa prej tyre në gjendje kritike, kur një automjet, që po i transportonte kontrabandë përmes Serbisë u përmbys, raportoi televizioni shtetëror serb.
Një kamionçinë e mbushur me njerëz u përmbys në Drazhevaç, 220 kilometra në jug të Beogradit, ndërkohë që po i ikte policisë përgjatë autostradës nga Nis.
Shoferi u arratis.
“Në mesin e atyre të plagosur, pesë ishin fëmijë”, raporton media, duke cituar kreun e klinikës mjekësore emergjente në Nis, Miodrag Lazic.
Nëntë muaj pasi rruga ballkanike e emigrantëve u mbyll zyrtarisht, emigrantët vazhdojnë ende ta përdorin atë, por tashmë janë të detyruar të paguajnë kontrabandistët për t’i transportuar drejt vendeve të pasura të Bashkimit Evropian.
