Taksa për Rrugën e Kombit ka bërë që qindra qytetarë kuksianë të dalin në një marshim protestë ditën e sotme.
Marshimi ka nisur nga qendra e qytetit deri në fund të tij ku, përmes pankartave në duar dhe thirrjeve të ndryshme i kanë kërkuar qeverisë që qarkun e Kukësit, të mos e përfshijnë në pagesën e taksës që pritet të vendoset për kalimin në rrugën e Kombit.
Organizatorët thanë se rruga është bërë për të bashkuar kombin dhe se qeveria me këtë taksë, po bën të kundërtën, po ndan kombin.