22 vjeçari me inicialet E.A. ka vdekur si pasojë e plagëve të marra nga të shtënat me armë në afërsi të Parkut të qytetit.
Në anën tjetër, personi me inicialet A.K., gjendet në sallë të operacionit dhe është në gjendje kritike shëndetësore. Këtë e ka konfirmuar zëdhënësi i QKUK-së, Shpend Fazliu, i cili tha se dy personat kanë ardhur në QKUK në gjendje të rëndë shëndetësore.
Ngjarja ka ndodhur në afërsi të Parkut të Prishtinës, ku sipas dëshmitarëve, një 23 vjeçar ka shtënë me armë në drejtim të viktimës dhe të plagosurit, të cilët po vozisnin një motor të tipit skuter.
