Ish agjenti AKI-së, Bojan Bozoviç përmes një statusi në rrjetin social tregon se ndihet i rrezikuar pas intervistës në një nga televizionet tona.
Bozoviç thotë se në prag të natës së dytë pas intervistës ai dhe familja e tij në veri të Kosovës nuk kanë as një mbrojtje dhe përkujdesje nga institucionet.
“Unë tregova çka kam në zemër, dhe qka ma thot zemra. Populli po më përkrah dhe i faleminderohem. Në prag të natës së dytë , në veri të Kosovës, unë me familjen time jemi pa kurfar mbrojtje dhe pa kurfar përkujdesje. Zoti na ndihmoft!”,shkruan ish agjenti i AKI-së në FB.
Bojan Bozoviç muaj më parë kishte deklaruar se në Policinë e Kosovës ka dorëzuar një dosje me të dhëna për vrasjen e policit Enver Zymberi, derisa gjatë intervistës së mbrëmshme përveç të tjerash ai ka folur për shumë veprime kriminale që zhvillohen në pjesën veriore të Kosovës. M.L.