Kryeministri i Kosovës, Albin Kurti ka zhvilluar lojë shahu me Kryetarin e Federatës së Shahut të Kosovës, Armend Budima.
Kurti ka njoftuar se kjo lojë ka përfunduar me remi apo barazim.
Ai ka cekur se loja është luajtur në shkollën "Xheladin Rekaliu" në Podujevë, ku edhe kanë promovuar programin qeveritar "Sport në Shkolla" të përqendruar në basketboll dhe shah.
“Në shkollën "Xheladin Rekaliu" në Podujevë, sot teksa promovuam programin qeveritar "Sport në Shkolla" të përqendruar në basketboll dhe shah, ndeshja ime me Kryetarin e Federatës së Shahut të Kosovës, Armend Budima përfundoi me remi. Këtu mund t'i ndiqni potezat e këtij barazimi: e4-c5, Kf3-d6, d4-cd4, Kd4-Kf6, Kc3-Kc6, Fb5-Fd7 ,0-0-e5, Kc6-bc6, Fc4-Fe7, f4-0-0, fe5-de5, Fg5-h6, Fh4-Db6+, Kh1-Db2, Dd2-Tad8, Tb1-Da3, Ff6-Ff6, Tf6-gf6, Dh6-Dc3, Dg6+-Kh8, Dh6+-Kg8, 1/2:1/2.” – ka shkruar Kurti.
