Gjatë kësaj të diele Ministri i Punëve të Brendshme, Xhelal Sveçla, në Facebook ka shfaqur prova të reja nga sulmi në Banjskë.
Sveçla, tregoi se e kanë gjetur veturën si dhe dokumente identifikuese të Milorad Jevtiç, i dyshuar si pjesëmarrës në sulmin terrorist, madje i dyshuar edhe për sulmet kundër Kforit, gjatë protestave në veri të vendit.
Sveçla tha se Jevtiç e kishte shoqëruar djalin e Aleksandër Vuçiqit, Danilon, në 4 nga 5 vizitat e tij të fundit në Kosovë.
Gërvalla e shpërndan njoftimin e Sveçlës për përfshirjen e bashkëpunëtorit të djalit të Vuçiq në Banjskë
Rtv Dukagjini ka shpërndarë një video ku shihet Jevtiç së bashku me Danilon, djalin e Alkesandër Vuçiq, teksa qëndronin në Kosovë, në Graçanicë për Vidovdan.
