Lista Serbe ka paralajmëruar tubim për nesër në ora 15:00 në pjesën veriore të Mitrovicës.
Kjo është bërë e ditur në një fjalim të jashtëzakonshëm të kësaj partie, pas takimit që kanë pasur në Beograd me presidentin e Serbisë, Aleksandar Vuçiq.
Në ambientet e Listës Serbe në Mitrovicë para gazetarëve iu drejtuan kryetari dhe nënkryetari i Listës Serbe, ish-kryetarët e katër komunave në veri, si dhe kryetari i komunës së Zveçanit.
Ata dhanë dorëheqje pas vendimit të Prishtinës zyrtare për shkarkimin e shefit të policisë për rajonin e veriut, Nenad Gjuriq, i cili publikisht tha se nuk do të zbatojë vendimet për paralajmërime dhe gjoba ndaj atyre që nuk i riregjistrojnë veturat me targa ilegale në RKS.
