Kuvendi i Malit të Zi miratoi Propozimin për ndryshimin e Ligjit për Vetëqeverisje Lokale, me të cilin parashihet që zgjedhjet lokale në 14 komuna të mbahen brenda një dite.
Projektligji ka pësuar ndryshime ligjore pas votimit në seancën ku u rrëzua qeverisja e Zdravko Krivokapiç, në një pikë paraprake të rendit të ditës.
Nga 57 deputetë, 46 votuan pro dhe 11 kundër.
Deputetët e opozitës dhe koalicionit “E Bardha në të Zezë” të Dritan Abazoviqit, votuan për projektligjin, ndërsa deputetët e partive pro-serbe nga Mali i Zi Demokratik, Mali i Zi i Bashkuar, votuan kundër.
Deputetët e Frontit Demokratik (DF) nuk ishin në sallë.
Ndryshimet në ligj janë propozuar nga koalicioni i udhëhequr prej Dritan Abazoviqit, ish-zv/kryeministrit të Malit të Zi, qëndrimi i të cilit solli rënien e qeverisjes së Krivokapiqit
