Daut Haradinaj ka treguar se disa politikan kosovar kanë shkuar tek Burdushi për të kërkuar ndihmë për suksese në zgjedhje.
Pa treguar me emra se kush janë ata, Haradiaj që është kandidat për kryetar të Prishtinës, ka thënë se disa politikanë janë klientë të rregullt të Brudushit.
Gazeta për këtë çështje ka telefonuar mjekun popullor, Hysni Peqani-Burdushin. Ai ka mohuar që ka trajtuar politikanët.
“Nuk janë të vërteta deklarimet e personave të lartë përmendura dhe nuk ka qenë askush tek unë prej politikanëve”, ka thënë ai
Gazeta ka pyetur mjekun popullor edhe për parashikimin për zgjedhjet e ardhme për kryetar të Komunës së Prishtinës.
“Nuk jam i interesuar të merrem me këto parashikime!”, ka thënë Peqani.
