Është kthyer në rigjykim rasti i ish-ushtarit të UÇK-së, Remzi Shala, i njohur me nofkën “Molla e Kuqe”.
Vendimi është marrë nga Gjykata Supreme e Kosovës, teksa rastin e ka konfirmuar avokati i tij, Natal Bullakaj.
Ky i fundit ka thënë se Supremja e ka prishur edhe aktgjykimin e shkallës së parë, edhe atë të shkallës së dytë.
“Kam bë kërkesë për mbrojtje të ligjshmërisë. Supremja e ka prishur edhe aktgjykimin e shkallës së parë ku është dënuar me 14 vite burgim, edhe atë të shkallës së dytë që është dënuar me 10. Pra e ka kthyer në rivendosje. Unë sapo e deponova edhe kërkesën për ndërprerjen e paraburgimit, që mos të shkilen të drejtat e palës sime”, ka thënë Bullakaj.
Ndryshe, Remzi Shala ishte bërë i njohur për publikun pas arratisjes së që kishte bërë ndaj thirrjes së Speciales.
I njëjti ishte dënuar nga Gjykata e Prizrenit për krime lufte.