Përfaqësia e përhershme e Spanjës në Be ka vërtetuar se Madridi zyrtar nuk do të bojkotoj Samitin e BE-së dhe Ballkanit Perëndimor në Zagreb, shkruan “B92”, transmeton “Bota Sot”.
"Delegacioni i Spanjës do të jetë, si vend anëtar i BE-së e pranishme në Samitin e Zagrebit” thuhet në kumtesën e përfaqësuesit të përhershëm të Spanjës në Bruksel.
Aty shtohet se në varësi nga konfiguracioni i Samitit, Spanja do të “përcaktoj” nivelin e përfaqësimit.
Me rastin e spekulimit në media se Madridi do të bojkotoj Samitin e Zagrebit për shkak të pranisë së Kosovës, nga përfaqësia e përhershme në Bruksel shtohet se prania e Madridit në Zagreb nuk ndryshon “pozicionin stabil” të Spanjës për mospranimin e Kosovës si shtet.
"Këtë pozicion e ndajmë edhe me katër shtete anëtare të BE-së dhe 80 vende tjera në regjione të ndryshme të botës, në harmoni me të drejtën ndërkombëtare dhe sistemin e OKB-së “përfundon kumtesa për Tanjug.
Kryeministri i Spanjës Mariano Rahoj në Samitin e shkuar të BE-së dhe vendeve të Ballkanit Perëndimor të mbajtur në Sofje të B bullgarisë në vitin 2018 refuzoi të ulet në një tavolinë me përfaqësuesit e Prishtinës shkruan “B92”.
Samiti i Zagrebit mbahet me 6 edhe 7 maj.
