Ministri i jashtëm i Serbisë, Ivica Daçiq është takuar me shefin e delegacionit të BE-së në Serbi, Sem Fabrici ku kanë biseduar për gjendjen aktuale në raportet mes Serbisë dhe BE-së dhe procesin e bashkëngjitjes dhe anëtarësimin në BE, shkruan “Telegraf”, përcjell “Bota Sot”.
Të dy bashkëbiseduesit kanë biseduar për gjendjen aktuale në Serbi, procesin e përmbushjes së kritereve për anëtarësim si dhe aktivitetet që e presin këtë vend në periudhën e ardhshme.
Një pikë e veçantë në bisedë ishte kapitulli 31 që ka të bëjë me politikën e jashtme, të sigurisë dhe mbrojtëse, ku biseduesit kanë prekur edhe temën e situatën dhe dialogut ndërmjet Prishtinës dhe Beogradit sikurse edhe hapat për vazhdimin e tij, pasi të arrihen kushtet e domosdoshme.
Daçiq ka përsëritur se anëtarësimi i plotë i Serbisë në BE përbën prioritetin dhe qëllimin e politikës së jashtme të vendit të tij, duke nënvizuar se Serbia është përkushtuar në bashkëpunimin intensiv në fushën e politikës së jashtme dhe sigurisë me BE, ndërkohë që në periudhën e ardhshme do punohet në harmonizimin e politikës së vendit me atë të BE-së.
