Gjykata Themelore në Prishtinë ua caktuar masën e paraburgimit prej një muaji katër personave, të cilët dyshohet se janë të përfshirë në vrasjen në Sharban.
Me anë të një komunikate është bërë e ditur se ndaj një personi tjetër është caktuar masa e paraqitjes në stacion policor.
“Të pandehurve B.R,Xh,M.R dhe F.R ju është caktuar masa e paraburgimit në kohëzgjatje prej 1 (një) muaji dhe atë duke filluar prej datës 26.10.2017, deri me datën 26.11.2017, ndërsa për të pandehurin P.R, Gjykata urdhëron masën paraqitje në stacion policor, në kohëzgjatje prej 1 (një) muaji dhe atë duke filluar prej datës 26.10.2017 deri me datën 26.11.2017”, thuhet në komunikatë.
“Gjykata ka konstatuar se kërkesa për caktimin e masës së paraburgimit ndaj të pandehurve është masë adekuate dhe e domosdoshme në këtë fazë të procedurës penale, për sigurimin e pranisë së pandehurve në procedurë penale dhe zhvillimin e pa penguar të procedurës”, përfundon njoftimi i Gjykatës.