Një grua në Tiranë ka gjetur vdekjen në mënyrë tragjike, duke rënë nga kati i dytë i shtëpisë së saj.
Ngjarja e rëndë ka ndodhur pasditen e djeshme në Paskuqan, ku ka rënë nga kati i dytë i banesës, 78-vjeçarja K.R., e cila ka gjetur vdekjen në spital.
Nga veprimet hetimore rezultoi se, e moshuara vuante nga skleroza dhe kryente veprime të pakontrolluara.
Dyshimet paraprake janë se e ndjera është hedhur nga lartësia, në gjendje të rënduar psikologjike.
Lidhur me këtë ngjarje materialet iu referuan Prokurorisë së Tiranës për ndjekje të mëtejshme.