Në Pejë është arrestuar një person nën dyshimin e posedimit të substancave narkotike.
Policia njofton se gjatë kontrollit në shtëpinë e të dyshuarit janë gjetur dhe konfiskuar 18 paketime me substancë të dyshuar narkotike të llojit marihuanë me peshë prej 8 kilogram e 319.6 gram, një peshore digjitale, një brisk, lidhëse plastike, folie najloni, qese plasmasi për paketim dhe një telefon celular, raporton Gazeta Express.
Policia ka arrestuar të dyshuarin dhe me urdhër të prokurorit është dërguar në mbajtje.
