Policia e Beratit ka arrestuar sot një person të shpallur në kërkim ndërkombëtar nga drejtësia italiane për trafik narkotikësh.
Burime zyrtare nga blutë e këtij qyteti bëjnë me dije se u vu në pranga për t’u ekstraduar në Itali shtetasi Gentjan Cufe, i njohur ndryshe dhe si Arben Keli ose Robert Keli, 49 vjeç, banues në Berat.
Arrestimi i tij u bë pasi më datë 17 tetor 2008, gjykata e Torinos ka caktuar masën e sigurimit “arrest me burg“ për veprën penale “Trafikimi i lëndëve narkotikeve”, parashikuar nga nenet 81 dhe 110 të Kodit Penal Italian.
49-vjeçari ishte shpallur në kërkim ndërkombëtar dhe rrezikon një dënim prej 20 vitesh burgim.
Materialet i kaluan Prokurorisë së Rrethit Gjyqësor Berat për veprime të mëtejshme.
