Një person rreth të 50-ave ka gjetur vdekjen mbrëmjen e sotme teksa u përplas nga një automjet.
Aksidenti u regjistrua rreth orës 21:10 të mbrëmjes së sotme në rrugën “Konferenca e Pezës”, tek Karburant “Rira”, ndërsa viktima është identifikuar si shtetasi E.B.
Ai po ecte në këmbë, kur është përplasur nga një mjet tip “Mitsubishi”, me targë TR 4760 M që drejtohej nga Kudret Hidri, 42 vjeç, banues në Tiranë.
Policia ka shoqëruar në komisariat këtë të fundit, ndërsa grupi hetimor po kryen veprimet në vendngjarje.