Një person ka humbur jetën pasditen e sotme në Korçë pasi është përplasur nga një automjet.
Ngjarja ka ndodhur rreth orës 17:20, në unazën e qytetit ku një automjet ka përplasur për vdekje një grua rreth 70 vjeçe në momentin që po kalonte nga njëri krah i rrugës në tjetrin.
Automjeti që përplasi të moshuarën, identiteti i të cilës ende nuk dihet është larguar nga vendi i ngjarjes.
Kalimtarë të rastit kanë sinjalizuar policinë, e cila ka mbërritur në vendin e ngjarjes dhe ka nisur hetimet për identifikimin dhe arrestimin e personit që shkaktoi aksidentin.