Policia e Tiranës njoftoi mesnatën e së hënës se nga Seksioni për Narkotikët në Drejtorinë e Policisë së Qarkut, u organizua operacionin “PARKINGU”. Policia thotë se ka arrestuar në flagrancë:
1-Elis Mali(Sefa), 35 vjeç, lindur në Përmet dhe banues në Tiranë.
2- Elsi Rroshi, 32 vjeç, lindur në Grmash dhe banues në Tiranë.
3- Aldo Leka, 23 vjeç, lindur në Bulqizë dhe banues në Tiranë.
Arrestimi i këtyre shtetasve u bë në bazë të informacioneve të marra në rrugë operative se merreshin me aktivitet të paligjshëm të shitjes së lëndeve narkotike të llojit heroinë.
Policia thotë se pas një pune të mirëorganizuar u bë kapja në ambientet e brendshme të parkingut të një qendre tregtare, ku gjatë kontrollit të automjetit të tyre “Volsëagen Golf” me targe “AA545ME” në të cilën ndodheshin të tre këta shtetas, u gjend sasia prej 1.124 kg heroinë.
Në cilësinë e provës materiale u sekuestruan, 3 telefona celularë dhe automjeti me targa “AA545ME”.
Policia po punon gjithashtu për identifikimin dhe dokumentimin e personave të tjerë të cilët kanë bashkëpunuar në aktivitetin kriminal me shtetasit e mësipërm.