Vijon operacioni për “Kontrollin cilësor, sasior e fiskal të hidrokarbureve” në vend. Inspektorati Qendror Teknik bën publike të dhënat për gjobat e vendosura për pikat e karburanteve gjatë muajit qershor.
Ky inspektorat gjobiti brenda këtij muaji 14 pika karburantesh për shkelje. 11 prej pikave u gjobitën për tregtim të karburantit jashtë standardit të përcaktuar, ndërsa 3 të tjera për mungesë të dokumentacionit.
Gjobat për karburantet variojnë nga 100 mijë deri në 3 milionë lekë. Vetëm gjatë muajit maj gjatë këtij aksioni u proceduan penalisht 99 subjekte. Operacioni për “Kontrollin cilësor, sasior e fiskal të hidrokarbureve” do vijojë edhe në ditët e ardhshme.
