Një shtetas me origjinë shqiptare, Edison Isufi, 32 vjeç, banues në Vicenza, u arrestua nga Policia e Portogruaro-s në bashkëpunim me stafin e Guardia di Finanzia-s.
Shqiptari u arrestua pasi u kap në flagrancë me një kilogram kokainë dhe një sasi të vogël heroine. Isufi u ndalua ndërsa ai ishte drejtuar me automjetin e tij tip “Renault” për në Concordia Sagittaria.
Droga ishte fshehur brenda automjetit, në një ndarje të bërë posaçërisht për të fshehur lëndën narkotike duke hequr një pjesë të sistemit të ventilimit.
