Një grabitje me dhunë është regjistruar mëngjesin e së mërkurës në fshatin Omaraj të Malësisë së Madhe.
Burime nga policia bëjnë me dije se një person i maskuar, rreth orës 01:00 të mëngjesit të një ditë më parë, është futur në banesën e shtetases H.P., 53 vjeç dhe u ka marrë më dhunë shumën prej 30 mijë lekësh.
Gruaja e ka denoncuar rastin në polici, ku ka treguar se autori i ngjarjes e ka dhunuar dhe kërcënuar me jetë. Ajo pretendon se nuk ka qenë në gjendje që ta identifikojë për shkak se ishte i maskuar. Pavarësisht kësaj, grupi hetimor ka nisur punën për identifikimin dhe arrestimin e grabitësit.