Objekti i bankës NLB Prishtina, i cili ndodhet afër Hotel Prishtinës është përfshirë nga zjarri në orët e paradites së sotme.
Lajmin e ka konfirmuar edhe Policia e Kosovës. Flora Ahmeti zëdhënës e PK-së, për rajonin e Prishtinës. Ajo ka thënë se rreth orës 10:45 minuta, kanë marrë informacion se nga ky objekt vërehet dalje tymi.
Sipas saj ekipet e policisë edhe zjarrfikësve menjëherë kanë dalë në vendin e ngjarjes, ku edhe kanë evakuuar punëtorët.
Ahmeti tha se nuk ka të lënduar dhe se ende nuk dihen shkaqet e këtij zjarri.
Ndryshe javë më parë një objekt i kësaj banke në rrugën “Rexhep Luci”, ishte sulmuar nga grupi i tifozëve Plisat.
