Një aksident horror në fabrikën e Volkswagen në Baunatal të Gjermanisë.
Një punëtor u vra nga një robot, raporton Bild.
22-vjeçari ishte duke u marrë me vënien në punë të robotit në një linjë të re prodhimi, kur roboti e kapi dhe e përplasi në një pllakë metali.
Ai mori plagë të rënda dhe nuk mbijetoi.
Prokuroria ka nisur hetimet.
Volkswagen tha se nuk e kishte marrë akoma në dorëzim linjën nga kompania.
Volkswagen punëson rreth 15.500 njerëz në këtë fabrikë.