Dy persona u plagosën pasditen e së mërkurës në komunën Baz të Matit, pas një përplasjeje me armë zjarri.
Sipas burimeve nga vendi i ngjarjes, njëri nga të plagosurit është një punonjës i SHKB-së. Ai është Ledjon Permarku nga Rrësheni i cili ishte në Baz tek të afërm të tij, ndërsa i plagosuri tjetër është Vislon Dobraku nga Dibra banues në Tiranë.
Deri në këto momente nuk dihen arsyet dhe rrethanat e ngjarjes , ndërsa policia po punon për ta zbardhur atë. Të plagosurit janë nisur drejt spitalit të Traumës në kryeqytet me helikopter.