Një zjarr i fuqishëm ka shpërthyer në afërsi të portit në qytetin e Sarandës, këtë pasdite. Nga informacionet e para mësohet se ngjarja ka ndodhur në ambientet e një lokali nate.
Raportohet se lokali ishte i mbyllur në momentin e shpërthimit, për këtë arsye nuk janë regjistruar viktima, por vetëm dëme të shumta materiale.
Policia dhe zjarrfikëset kanë mbërritur në vendin e ngjarjes, ndërkohë që pas shuarjes së flakëve, pritet të nisin hetimet lidhur me ngjarjen.
Shpërthimi është dëgjuar në një rreze të gjerë të qytetit, ndërsa dyshohet se është përdorur lëndë eksplozive.