Policia e Shkodrës ka arrestuar një 27-vjeçar të shpallur në kërkim për vrasje të mbetur në tentativë.
Në pranga ka rënë shtetasi Mirian Margjokaj, banues në Komunën e Velipojës.
I riu akuzohet nga Prokuroria e Shkodrës për “vrasje” në rrethana cilësuese të mbetur në tentativë, për armëmbajtje pa leje dhe plagosje të rëndë me dashje e kryer në bashkëpunim.
Dyshohet se në prill t vitit të kaluar 27-vjeçari ka qëlluar më armë zjarri pistoletë në një lokal në lagjen “Vasil Shanto” në Shkodër në drejtim të dy pronarëve dhe të kamarierve për motive të dobëta.
Përveç kësaj, i riu rezulton me precedentë penalë pasi në 2009 është dënuar nga gjykata me 2 vjet e 6 muaj burg për akuzën e armëmbajtjes pa leje dhe kanosjes.