Tre persona të maskuar dhe armatosur kanë grabitur me dhunë pronarët e një banese në Tepelenë. Sipas policisë autorët e ngjarjes nën kërcënimin e armës kanë lidhur dhe dhunuar për disa minuta dy bashkëshortët.
Grabitësit goditën me qytën e çiftes pronarin e banesës, shtetasin N.C. Dyshohet se ata kanë marrë një shumë të konsiderueshme parash dhe më pas janë larguar, duke i lënë pronarët e shtëpisë të lidhur.
Ngjarja ka ndodhur rreth orës 00:45 të mëngjesit të sotëm në lagjen “Demokracia”, Tepelenë. Policia ka nisur hetimet për identifikimin dhe arrestimin e personave.
