Në Gjykatën Themelore në Prishtinë ka nisur seanca e caktimit të masës së sigurisë për të arrestuarit e djeshëm nën dyshimin e vrasjes së hetuesit policor Shemsi Gashi.
Arrestimin e këtyre dy personave e konfirmuan dje për KALLXO.com shefi i Zyrës për Informim të Policisë së Kosovës Baki Kelani dhe prokurorja Fikrije Fejzullahu.
Pardje për vrasjen e hetuesit policor të Njësitit Kundër Krimeve Ekonomike dhe Korrupsionit, u arrestuan edhe katër veta.
Treve nga ta dje iu caktua paraburgimi prej një muaji, ndërsa njërit prej tyre arresti shtëpiak në kohëzgjatje të njëjtë.
Shemsi Gashi u vra të mërkurën në mëngjes në Lagjen “Mati” të Prishtinës.
