Sërish grabitje brenda 24 orëve. Ditën e sotme, një banesë në fshatin Bubq të Fushë-Krujës ra pre e grabitësve.
Tre persona të maskuar hynë në shtëpinë e Agim Ajazit dhe grabitën një sasi prej 400 mijë lekësh të reja si edhe sende te tjera me vlerë.
Maskat janë vënë re nga banorët e fshatit, pasi në momentin e grabitjes në shtëpi nuk ndodhej asnjë njeri. Banorët rrëfyen për policinë se, kishin parë dy persona të maskuar që ecnin me vrap drejt një makine që i priste në dalje të fshatit.
Policia nisi hetimet që nga vendi i ngjarjes, për të gjetur ndonjë gjurmë të mundshme të grabitësve, dhe për t’i identifikuar ata.