Alarm për bombë pranë një banese në zonën e quajtur ‘Bërryli’, në kryeqytet. Kalimtarët dhe banorët e zonës mësohet se konstatuan sasinë e lëndës eksplozive, duke bërë më pas njoftimin e uniformave blu.
Kallëpi i tritolit mësohet se është vendosur me fitil dhe është i pashpërthyer.
Pakoja e dyshimtë në të cilën mendohet se është vendosur lënda plasëse, ndodhej në katin e parë të një pallati, para qepenit të një biznesi të vogël, një internet kafeje.
Forcat e policisë dhe ato xheniere kanë rrethuar zonën dhe po verifikojnë përmbajtjen e pakos.
Sipas të dhënave të para policore, ashtu siç u dyshua në fillim, mësohet se bëhet fjalë për eksploziv me fitil, dyshohet i llojit tritol.
Sipas burimeve policore ka nisur çaktivizimi i lëndës plasëse. “Po çaktivizohet”, thane burime policore.
