Një shtetas i shpallur në kërkim ndërkombëtar, u arrestua sot nga policia e Sarandës.
A. Perbibaj, 32 vjeç, me banim në Borsh, kërkohej nga autoritetet e drejtësisë italiane për veprat penale "Grabitje me armë" dhe "Vjedhje me dhunë".
Autoritetet italiane kishin lëshuar edhe një urdhër arresti ndërkombëtar për shtetasin Perbibaj, i cili ka rënë sot në pranga e policisë shqiptare. Materialet procedurale i janë referuar organit të Prokurorisë.