Një tjetër rast flagrant i përdorimit të dhunës nga uniformat e policisë qarkullon në rrjetet sociale dhe në media.
Shefi i Krimeve të Policisë së Pogradecit, Besnik Qevani, është filmuar me celular ndërsa godet një fëmijë gjatë kontrollit të një banese, por u ndal pas ndërhyrjes së familjarëve që filmonin me celular.
Mësohet se Qevani kërkoi të ushtronte kontroll në banesën e një shtetasi me precedentë penalë pasi kishte mundur që të merrte një urdhër të prokurorisë.
Edhe pse familjarët u përpoqën ta sqaronin se kjo banesë i përket ish-bashkëshortes së të kërkuarit, Qevani tentoi të hynte me dhunë duke goditur të miturin.
