Një grabitje me armë zjarri ka ndodhur në orët e para të mëngjesit të sotëm në Lushnjë.
Ngjarja ka ndodhur në një lokal në fshatin Mertish, ku rreth orës 03:40 tre persona të maskuar dhe njëri i armatosur kanë hyrë brenda për të grabitur.
Nën kërcënimin armës, kanë mundur që të marrin lekët e xhiros ditore.
Duke mos u mjaftuar me këtë, grabitësit përpara se të largoheshin kanë qëlluar me armë në ajër.
Në vendin e ngjarjes shkoi policia.
Ajo mori në pyetje pronarin e lokalit, shtetasin E.Gj, në lidhje me konfliktet që ai mund të ketë pasur në të shkuarën.
Burimet thonë se po punohet për sqarimin e rrethanave të ngjarjes, identifikimin dhe kapjen e autorëve.