Dy aksidente me pasoja të rënda, vdekjen e dy personave kanë ndodhur mëngjesin e kësaj të shtune në Tiranë.
Aksidenti i parë ka ndodhur në autostradën Tiranë-Durrës, ku nga përplasja e një motori me bordurën ndarëse të autostradës, ka humbur drejtuesi i tij. Ndërsa aksidenti i dytë është regjistruar në Fushë-Prezë, ku një person ka humbur jetën dhe një tjetër është plagosur.
Ende nuk dihen shkaqet e aksidentit në Fushë-Prezë, ndërkohë që policia ka shkuar drejt vendngjarjes për të zbardhur detaje të reja nga ngjarja.